Hópur skjólstæðinga Heilsugæslunnar Kirkjusandi, sem leitað hafa á heilsugæsluna síðustu 6 mánuði, mun á næstu dögum fá boð um að taka þátt í alþjóðlegri rannsókn á útkomu og reynslu sjúklinga.
Um er að ræða skjólstæðinga 45 ára og eldri og munu þau fá sent sms í farsíma eða tölvupóst með boði um þátttöku.
Rannsóknin hefur þann tilgang að skoða bæði aðbúnað heilsugæslustöðva og þá umönnun og meðferð sem fólk fær á
stöðvunum.
Rannsóknin er unnin af Heilbrigðisvísindastofnun heilbrigðissviðs Háskóla Íslands. Hún er gerð að tilstuðlan Efnahags- og framfarastofnunar Evrópu (OECD) og nær til 22 landa.
Heilsugæslan Kirkjusandi hvetur þá sem fá boð um að taka þátt í rannsókninni til að taka þátt og svara spurningalista sem það fær. Þar er meðal annars spurt um líkamlega og andlega heilsu, lífsgæði, lyf, einkenni, lífsstíl, aðgengi að þjónustu og samskipti við heilsugæsluna.