Bólusetningar ferðamanna
Við ferðalög til framandi landa er nauðsynlegt að hafa góðan fyrirvara vegna bólusetninga.
Hafið með ferðatilhögun svo hægt sé að átta sig á hvaða bólusetningar þarf og aðrar ráðstafanir.
Hjúkrunarfræðingar stöðvarinnar fara yfir þessi atriði og veita almenna ráðgjöf. Þeir gefa einnig þær bólusetningar sem eru ráðlagðar.
Bæði er um að ræða endurnýjun á grunnbólusetningum (lömunarveiki, stífkrami, barnaveiki) og bólusetningar sem þarf í
hverju landi.
Fara þarf vel yfir hvort þörf sé á vörn gegn malaríu
Stuðst er við alþjóðlegar leiðbeiningar.
Athugið að við bólusetjum ekki við Gulu (Yellow fever).
Hafið samband við móttöku til að panta tíma, 595 1300
Erlendur tengill: CDC
Varðandi inflúensubólusetningar:
Bóluefni sem verður notað 2019 heitir Influvac og inniheldur vörn gegn inflúensu A(H1N1), A(H3N2) og inflúensu B.
Sóttvarnalæknir mælist til að eftirtaldir áhættuhópar njóti forgangs við inflúensubólusetningu:
- Allir einstaklingar 60 ára og eldri.
- Öll börn og fullorðnir sem þjást af langvinnum hjarta-, lungna-, nýrna- og lifrarsjúkdómum, sykursýki, illkynja sjúkdómum og öðrum ónæmisbælandi sjúkdómum.
- Heilbrigðisstarfsmenn sem annast einstaklinga í áhættuhópum sem taldir eru upp hér að ofan.
- Þungaðar konur.
Vakin er athygli á því að ofangreindir áhættuhópar eiga rétt á bóluefninu sér að kostnaðarlausu en greitt er venjulegt komugjald til heilsugæslu þar sem það á við.
Opnunartími
