Bólusett verður samtímis við inflúensu og Covid-19 á Heilsugæslunni Kirkjusandi frá og með miðvikudeginum 18. október.
Bólusetningar eru einungis í boði fyrir forgangshópa fyrstu 4 vikurnar eða til 13. nóvember.
Bólusett verður samtímis við inflúensu og Covid-19. Hægt verður að velja um að fá annað hvort eða bæði bóluefnin í sömu heimsókn.
Nauðsynlegt er að bóka bólusetningu fyrirfram, annað hvort á heilsuvera.is eða í síma 595 1300
Bólusetning við Covid-19 og inflúensu er fólki í forgangshópum að kostnaðarlausu.
Eins og áður minnum við þau sem koma til að fá bólusetningu á að koma í stuttermabol.
Sóttvarnalæknir mælir með því að eftirtaldir áhættuhópar fái forgang við bólusetningar við inflúensu:
- Allir einstaklingar 60 ára og eldri.
- Öll börn fædd 1.1.2020–30.6.2023, sem hafa náð 6 mánaða aldri þegar bólusett er.
- Öll börn og fullorðnir sem þjást af langvinnum hjarta-, lungna-, nýrna- og lifrarsjúkdómum, offitu, sykursýki, illkynja sjúkdómum og öðrum ónæmisbælandi sjúkdómum.
- Barnshafandi konur.
- Heilbrigðisstarfsmenn sem annast einstaklinga í áhættuhópum sem taldir eru upp hér að ofan.
Sóttvarnalæknir mælir með því að eftirtaldir áhættuhópar fái forgang við bólusetningar við Covid-19:
- Allir einstaklingar 60 ára og eldri.
- Öll börn og fullorðnir sem þjást af langvinnum hjarta-, lungna-, nýrna- og lifrarsjúkdómum, offitu, sykursýki, illkynja sjúkdómum eða eru ónæmisbæld af völdum lyfja eða sjúkdóma.
- Barnshafandi konur.
- Heilbrigðisstarfsfólk sem annast einstaklinga í áhættuhópum sem taldir eru upp hér að ofan.