Hreyfiseðill
Hreyfiseðill byggir á því að læknir eða heilbrigðisstarfsmaður (hjúkrunarfræðingur eða ljósmóðir) metur einkenni og ástand skjólstæðings og ávísar síðan hreyfingu sem meðferð, eða hluta af meðferð við þeim sjúkdómum eða sjúkdómseinkennum sem verið er að fást við.
Skjólstæðingnum er vísað til hreyfistjóra sem er sjúkraþjálfari og hefur aðsetur á Heilsugæslustöðinni. Í komunni til hans eru möguleikar og geta til hreyfingar ræddir og metnir í sameiningu. Sett eru fram markmið og útbúin hreyfiáætlun sem byggir á fagþekkingu. Auk þess er 6 mínútna göngupróf framkvæmt og kennt hvernig skráningu á hreyfingu er háttað.
Skráning skjólstæðingsins er rafræn. Eftirfylgni og hvatning hreyfistjóra er með tölvupóstum og símtölum. Læknir eða sá sem ávísar hreyfiseðlinum ákveður endurkomu og fær upplýsingar um framvindu og gang mála. Yfirleitt er hreyfiáætlun gerð til 3ja mánaða í senn en hreyfiseðillinn gildir í eitt ár.
Opnunartími
